03 August 2014

ಶಿಶು ಗೀತೆ - ೬


ನಮ್ಮ ಮನೆಯಲೊಂದು ಪುಟ್ಟ ಪಾಪ ಇರುವುದು
ಎತ್ತಿಕೊಳದೆ ಹೋದರದಕೆ ಕೋಪ ಬರುವುದು

ಕೋಪಬರಲು ಗಟ್ಟಿಯಾಗಿ ಕಿರಿಚಿಕೊಳುವುದು
ಕಿರಿಚಿಕೊಂಡು ತನ್ನ ಮೈಯ ಪರಚಿಕೊಳುವುದು

ಮೈಯ ಪರಚಿಕೊಂಡು ಪಾಪ ಅತ್ತು ಕರೆವುದು
ಅಳಲು ಕಣ್ಣಿನಿಂದ ಸಣ್ಣ ಮುತ್ತು ಸುರಿವುದು

ಪಾಪ ಅತ್ತರಮ್ಮ ತಾನು ಅತ್ತು ಬಿಡುವಳು
ಅಯ್ಯೋ ಪಾಪ ಎಂದುಕೊಂಡು ಮುತ್ತು ಕೊಡುವಳು

ಪಾಪ ಪಟ್ಟು ಹಿಡಿದ ಹಠವು ಸಾರ್ಥಕವಾಯಿತು
ಕಿರುಚಿ ಪರಚಿ ಅತ್ತದ್ದೆಲ್ಲ ಅರ್ಥವಾಯಿತು

ಶಿಶು ಗೀತೆ - ೫


ಹತ್ತು ಹತ್ತು ಇಪ್ಪತ್ತು
ತೋಟಕೆ ಹೋದನು ಸಂಪತ್ತು

ಇಪ್ಪತ್ತು ಹತ್ತು ಮೂವತ್ತು
ಕೈಯಲಿ ಒಂದು ಕಲ್ಲಿತ್ತು

ಮೂವತ್ತು ಹತ್ತು ನಲ್ವತ್ತು
ಎದುರಿಗೆ ಮಾವಿನ ಮರವಿತ್ತು

ನಲ್ವತ್ತು ಹತ್ತು ಐವತ್ತು
ಮರದಲಿ ಕಾಯಿಯು ತುಂಬಿತ್ತು

ಐವತ್ತು ಹತ್ತು ಅರವತ್ತು
ಕಲ್ಲನು ಬೀರಿದ ಸಂಪತ್ತು

ಅರವತ್ತು ಹತ್ತು ಎಪ್ಪತ್ತು
ಕಾಯಿಯು ತಪ ತಪ ಉದುರಿತ್ತು

ಎಪ್ಪತ್ತು ಹತ್ತು ಎಂಭತ್ತು
ಮಾಲಿಯ ಕಂಡನು ಸಂಪತ್ತು

ಎಂಭತ್ತು ಹತ್ತು ತೊಂಭತ್ತು
ಕಾಲುಗಳೆರಡು ನಡುಗಿತ್ತು

ತೊಂಭತ್ತು ಹತ್ತು ನೂರು
ಓಡಿ ಮನೆಯನು ಸೇರು

31 July 2014

Inspirational Quotes - 6


ಶಿಶು ಗೀತೆ - ೪


ತೋಟಕೆ ಹೋಗೋ ತಿಮ್ಮ
ತೋಳ ಬಂದಿತಮ್ಮ
ಹಸು ಮೇಯ್ಸೋ ತಿಮ್ಮ
ಹಸು ಹಾದಿತಮ್ಮ

ಒಲೆ ಉರಿಸೋ ತಿಮ್ಮ
ಉರಿ ಸುಟ್ಟಿತಮ್ಮ
ಪಾಠ ಬರೆಯೋ ತಿಮ್ಮ
ಬಳಪ ಇಲ್ಲ ಅಮ್ಮ

ಹೂವು ಬಿಡಿಸೋ ತಿಮ್ಮ
ಹಾವು ಬಂದಿತಮ್ಮ
ಕಾವಲಿ ತಾರೋ ತಿಮ್ಮ
ಕಾಲು ನೋವು ಅಮ್ಮ

ನೀರು ಸೇದೋ ತಿಮ್ಮ

ಕೈ ನೋವು ಅಮ್ಮ
ಊಟಕೆ ಬಾರೋ ತಿಮ್ಮ
ಓಡಿ ಬಂದೆನಮ್ಮ


28 July 2014

ಶಿಶು ಗೀತೆ - ೩


ಆನೆ ಬಂತೊಂದಾನೆ
ಯಾವೂರಾನೆ ?
ಬಿಜಾಪುರದಾನೆ
ಇಲ್ಲಿಗ್ಯಾಕೆ ಬಂತು ?
ದಾರಿ ತಪ್ಪಿ ಬಂತು
ಕೊಬ್ಬರಿ ಬೆಲ್ಲ ತಂತು
ಮಕ್ಳಿಗೆಲ್ಲ ಹಂಚ್ತು
ಆನೆ ಓಡಿ ಹೋಯ್ತು


ಆನೆ ಬಂತೊಂದಾನೆ
ಯಾವೂರಾನೆ ?
ಸಿದ್ಧಾಪುರದಾನೆ
ಇಲ್ಲಿಗ್ಯಾಕೆ ಬಂತು ?
ನೀರು ಕುಡಿಯಲು ಬಂತು
ಬಚ್ಚಲು ಮನೆಗೆ ಹೋಯ್ತು
ಕಾಲು ಜಾರಿ ಬಿತ್ತು
ಆನೆ ಓಡಿ ಹೋಯ್ತು

ಶಿಶು ಗೀತೆ - ೨


ನಾಯಿ ಮರಿ ನಾಯಿ ಮರಿ ತಿಂಡಿ ಬೇಕೆ
ತಿಂಡಿ ಬೇಕು ತೀರ್ಥ ಬೇಕು ಎಲ್ಲ ಬೇಕು

ನಾಯಿ ಮರಿ ನಿನಗೆ ತಿಂಡಿ ಏಕೆ ಬೇಕು
ತಿಂದು ಗಟ್ಟಿಯಾಗಿ ಮನೆಯ ಕಾಯಬೇಕು

ನಾಯಿ ಮರಿ ಕಳ್ಳ ಬಂದರೇನು ಮಾಡುವೆ
ಲೊಳ್ ಲೊಳ್ ಬೌ ಎಂದು ಕೂಗಿ ಆಡುವೆ

ನಾಯಿ ಮರಿ ನಾನು ಹೋಗಿ ತಿಂಡಿ ತರುವೆನು
ನಾ ನಿನ್ನ ಮನೆಯನ್ನು ಕಾಯುತಿರುವೆನು


ಶಿಶು ಗೀತೆ - ೧

ಡೊಳ್ಳು  ಹೊಟ್ಟೆ ಗುಂಡ
ತಿನ್ನೋದ್ರಲ್ಲಿ ಭಂಡ
ಹೇಳಿ ಕೇಳಿ ಹಾಕಿಸ್ಕೊಂಡು
ತಿಂದ ನೂರು ಬೋಂಡ

ಊಟ ಇವನಿಗೆ ಇಷ್ಟ
ಪಾಠ ಮಾತ್ರ ಕಷ್ಟ
ಕ್ಲಾಸಿನಲ್ಲಿ ಗೊರಕೆ ಹೊಡೆದು
ಭಾರಿ ಗುಂಡು ಆದ

19 March 2014

Auto punchlines - 20


ಪ್ರೀತಿಗೆ ಕಣ್ಣಿಲ್ಲ,
ಪ್ರೀತ್ಸೋರಿಗೆ ಬುದ್ಧಿ ಇಲ್ಲ !


13 February 2014

Auto punchlines - 19


ಗೆದ್ದೇ ಗೆಲ್ಲುವೆ ಒಂದು ದಿನ
ಗೆಲ್ಲಲೇಬೇಕು ಒಳ್ಳೆಯತನ